Këngëtarja Shkurte Gashi, pas shumë vitesh aludime ka vendosur të flasë në lidhje me raportin e saj me artistin Flori Mumajesi. E ftuar në Prive, Shkurte Gashi shoqërohej nga bashkëshorti i saj Albert Limanin si dhe fëmijët.
Ajo rrëfeu mbi të qenit nënë, marrëdhënien me Albertin, shoqërinë me Shyhrete Behlulin, por edhe një keqkuptim që i ka ndodhur me Flori Mumajesin, e që i kishte shkaktuar hatërmbetje prej anës së artistit.
“Ai njeri le që më mungon mu, po besoj po i mungon krejt Shqiptarisë. Besoj se ai është lodh dhe ka nevojë me pushu, uroj shumë shpejt rikthimin e tij. Pse jo të vazhdojmë aty ku e kemi lënë, unë kam shumë projekte te Flori.
Nuk kam pas kontakt prej ditëlindjes së Brunos, nuk jemi taku më, nuk ka ndonjë arsye të madhe. Unë nuk jam lajmëru për një rast familje që ai ka pas, unë nuk e kom ditë dhe të betohem që nuk e kam ditë. Unë nuk e kam telefonu, ka pasur hatërmbetje nga ana e tij.
Uroj që me qenë mirë, na mungon ai, muzika e tij. Ka lënë gjurmë shumë të mëdha në skenën shqiptare”
