Ato përbëjnë vetëm pesë për qind të të arratisurve më të kërkuar në Evropë. Gratë që do listohen më poshtë janë në kërkim për shumë akuza, që nga punësimi i vrasësve deri te drejtimi i bandave të krimit të organizuar.
Për një nga të arratisurat, e akuzuar për mashtrim të investitorëve me një skemë piramidale të kriptomonedhave, është ofruar shpërblim për këdo që jep informacion për vendndodhjen e saj.
Këto janë femrat më të kërkuara në Evropë, sipas një liste nga Europol, i cili publikon dhjetëra profile të kriminelëve të zhdukur në të gjithë BE-në, shkruan Daily Mail.
Tania Gomez njihet online si pronarja e organizatës bamirëse të shpëtimit të qenve HundGärin, por sipas Europol-it ajo u angazhua në një gamë të gjerë aktivitetesh të jashtëligjshme.
30-vjeçarja është në kërkim nga autoritetet suedeze që nga marsi i vitit 2021 për një hetim të vazhdueshëm për vepra të rënda të trafikut të drogës dhe pastrimit të parave. Ajo mendohet të jetë e lidhur me një grup të krimit të organizuar në Stokholm, për të cilin shpërndante dhe transportonte sasi të mëdha narkotike dhe para.
Përkundër personalitetit të saj në rrjetet sociale si një vajzë e kujdesshme e qenve që shpëton endacakët dhe i ushqen ata, ajo akuzohet se është përfshirë në një rrjet të ‘pronësisë së parregullt të kafshëve dhe transportit të tyre jashtë vendit’, sipas Europol.
‘Cryptoqueen’ bullgarja Ruja Ignatova nuk është vetëm në listën e Europol-it, por është gjithashtu një nga dhjetë më të kërkuarat nga FBI- të cilët ofrojnë një shpërblim deri në 100,000 dollarë për informacionin që çon në arrestimin e saj.
Ignatova, 42 vjeçe, akuzohet se ka përdorur kriptomonedhën e saj OneCoin si një mashtrim marketingu në shumë nivele për të synuar investitorët në mbarë botën midis viteve 2014 dhe 2018. Hetuesit besojnë se Ignatova u informua në vitin 2017 pasi një gjykatë e qarkut amerikan në Nju Jork lëshoi një urdhër për arrestimin e saj, duke bërë që të udhëtonte në Greqi dhe të zhdukej.
E quajtur ‘Cryptoqueen’, Ignatova, një avokate, bashkëthemeloi OneCoin në 2014 si ‘vrasësja e Bitcoin’, duke joshur investitorët për të blerë paketa të kriptomonedhës së saj. Hetuesit thanë se një pjesë kyçe e modelit të saj të biznesit ishte të shtynte investitorët të shisnin paketa shtesë të OneCoin te miqtë dhe familjarët, e cila në thelb ishte një skemë piramidale për të paguar ata që ishin në krye.
“Ignatova synonte individë të cilët mund të mos i kishin kuptuar plotësisht të dhënat e kriptomonedhave, por u prekën nga rezymeja mbresëlënëse e Ignatova dhe strategjitë e marketingut të përdorura nga OneCoin”, tha FBI në deklaratën e saj.
Ignatova me origjinë bullgare është gruaja e 11-të që është vendosur në listën e më të kërkuarve të FBI-së në historinë e saj 72-vjeçare. Ajo kërkohet edhe në Gjermani përmes një njoftimi të kuq të Interpolit, i cili paralajmëron se mund të ketë ndryshuar pamjen e saj në mënyrë kirurgjikale për të shmangur kapjen. Hetuesit thanë se ajo jetonte në luks përpara se të udhëtonte për në Sofje, Bullgari, pasi u lëshua një urdhër arresti për të më 12 tetor 2017.
Autoritetet besojnë se ajo mund të udhëtojë me një pasaportë të rreme gjermane për në Emiratet e Bashkuara Arabe, Bullgari, Rusi, Gjermani, Greqi ose Evropën Lindore.
E treta femër e arratisur e humbur është shtetasja çeke Eva Zámečníková, 41-vjeçe, e cila kërkohet në Sllovaki pasi u dënua në mungesë me tetë vjet burg për punësimin e një vrasësi për të vrarë ish-burrin e saj.
Në janar 2014, luleshitësja i pagoi mikut të saj Martin Adamkovič 50,000 € për të vrarë burrin e saj, një ushtar me të cilin ajo ishte martuar për vetëm dy muaj. Ajo donte t’i merrte pronën.
Ajo dyshohet se mori një armë për të kryer vrasjen, por nuk funksionoi dhe kështu ajo ndryshoi planin e saj dhe i tha Adamkovič se do të duhej ta mbyste burrin e saj me një litar. Por ai në vend të kësaj e dorëzoi atë në polici dhe i ndihmoi ata të organizonin vrasjen për të marrë prova të mjaftueshme.
Adamkovič më vonë u bë dëshmitare në gjyqin e saj për vrasjen dhe pretendoi se Zámečníková ishte pjesërisht e motivuar nga fakti se ajo nuk donte më ‘të ushqente burrin e saj’. Zámečníková mohoi fajin dhe pretendoi se Adamkovič donte të hakmerrej ndaj saj për refuzimin për t’i dhënë para hua. Ajo këmbënguli se asnjë provë nuk e vërtetonte informacionin për vrasjen e planifikuar dhe shpërblimin në fjalë.
Biznesmenja ishte në paraburgim për disa muaj, por u lirua në gusht të 2014-ës për të sjellë në jetë fëmijën e saj. Ajo u shpall fajtore nga Gjykata e Specializuar Penale në janar 2020, por që atëherë është arratisur dhe tani është një nga kriminelët më të kërkuar në BE.
Hungarezja Anamaria Radu-Stoica është në kërkim në vendin e saj pasi është dënuar me dhjetë vjet burg.34-vjeçarja, së bashku me dy të tjerë, themeluan një grup krimi të organizuar me qëllim shfrytëzimin seksual të grave. Ajo është në arrati që nga gushti 2012.
Hungarezja Andrea Dudla- e njohur edhe si Eszter Kathona- ka qenë në arrati që nga viti 2012 pasi u dënua me më shumë se 15 vjet burg për përfshirjen e saj në dhjetëra krime ekonomike.
Në vitet 2000, Dudla dhe dy bashkëpunëtorë pretendonin se ishin kompani të vërteta, duke krijuar fatura të rreme dhe bilanc me pamje reale, në mënyrë që të merrnin hua qindra milionë Forinta nga bankat. Ata gjithashtu shitën 4,400 tonë misër për 250 milionë forintë (610,000 £), por kurrë nuk dorëzuan asnjë misër.
Në një fazë besohej se 43-vjeçarja mund të fshihej në Tajlandë, ku u kap një nga partnerët e saj kriminalë.
E vetmja femër e arratisur nga lista e më të kërkuarve të Europolit për vitin 2022 që është kapur deri më tani është Viviana Andrea Vallejo Gutiérrez, e cila u arrestua në Malchala, Ekuador me akuza për trafikim njerëzor, drogë dhe pastrim parash.
