Një aksident i rëndë me vdekje ka ndodhur paraditen e kësaj të marte në Maliq.
Pranë kryqëzimit të fshatit Zëmblak, një mjet ka përplasur një këmbësore të mitur, 14-vjeç, e cila ka ndërruar jetë.Mësohet se e mitura ka zbritur nga furgoni dhe ka tentuar të kalojë në anën tjetër të rrugës, por mjeti, që dyshohet të ketë qenë me shpejtësi të lartë, e ka përplasur për vdekje në vend.
Policia ka nisur punën për zbardhjen e rrethanave të ngjarjes.
Njoftimi i policisë
Më datë 31.10.2023, rreth orës 11:00, në aksin rrugor “Korçë-Bilisht”, pranë kryqëzimit të fshatit Zëmblak, Maliq, automjeti tip “Opel” me drejtues shtetasin I. K., ka përplasur një shtetase 14-vjeçare, këmbësore në rrugë, e cila për pasojë ka humbur jetën.
Më drejtuesin e automjetit po kryhen veprimet e mëtejshme procedurale.
Grupi hetimor po punon për sqarimin e rrethanave të aksidentit.
