Një oficer policie me detyrë ndihmës kontrollor në Stacionin e Policisë në Portin e Durrësit është arrestuar nga Agjencia e Mbikëqyrjes Policore. Në pranga është vënë shtetasi Gledis Lushi, 23 vjeç.Oficeri i policisë ka lejuar të largohej jashtë shtetit një person të shpallur në kërkim për disa vepra penale.
“Në datë 22.09.2023, Agjencia e Mbikëqyrjes Policore (Rajoni Durrës-Kavajë) në bashkëpunim me Prokurorinë pranë Gjykatës së Shkallës së Parë të Juridiksionit të Përgjithshëm Durrës ka kryer ndalimin e oficerit të policisë Inspektor G.L., 23 vjeç, me detyrë Nd.kontrollor në Stacionin e Policisë në Portin e Durrësit.
Ndalimi i tij u krye pasi dyshohet se në datë 17.09.2023 ka lejuar daljen jashtë shtetit nga PKK të një shtetasi të shpallur në kërkim për disa vepra penale.” – thuhet në njoftimin e AMP.Materialet proceduriale u referuan në Prokurorinë pranë Gjykatës së Shkallës së Parë të Juridiksionit të Përgjithshëm Durrës
