Filmi “Përrallë nga e kaluara” me regji nga Dhimitër Anagnosti, i vitit 1987, ka prekur audiencat evropiane falë restaurimit dhe është shfaqur në festivalin e filmit klasik “Lumière” në Lion të Francës këtë të premte.
Në Institutin Lumière në Lion, ishin të pranishëm për premierën franceze të thesarit kinematografik shqiptar, Ambasadori i Shqipërisë në Francë dhe Konsulli i Nderit në Lion.
Filmi i njohur dhe shumë i dashur nga publiku shqiptar, u përshtat në gjuhën frënge nga përkthyesja Evelyne Noygues.
Ai do të rishfaqet sot për herë të dytë në sallën e kinemasë franceze.
Në vitin 2022, filmi “Tana” u shfaq në po të njëjtin festival.
