Spektakli “Grande Fratello” nisi edicionin e ri mbrëmjen e djeshme në Itali.
Në mesin e konkurrentëve është dhe 25-vjeçarja shqiptare, Heidi Baci e cila u prezantua mbrëmë për publikun italian, duke thënë se: “Unë jam me origjinë shqiptare. Prindërit e mi erdhën vetëm dhe ia dolën vetë.
Babai im është një sipërmarrës ndërtimi, por rruga ishte e gjatë dhe sigurisht e vështirë. Unë jam gjakftohtë dhe kam ambicie, të gjitha të marra nga babai im”, u shpreh Baci.
Ajo jeton me familjen e saj prej vitesh në Pescara dhe punon si sipërmarrëse në sektorin detar. 25 vjeçarja që nisi një rrugëtim të ri tha se i pëlqejnë sfidat dhe “rreziqet”, ndaj kishte marrë vendimin për t’u futur në shtëpinë e “Big Brother”.
Pjesë e këtij “reality show” janë personazhe të njohur dhe të panjohur për publikun italian. Shpresojmë që Heidi Baci t’ia dalë më së miri në këtë eksperiencë të re.
