Qytetarët e kanë hallin a do marrrë para Luizi në “Big Brother”, kështu u shpreh ish-deputeti i Partisë Demokratike, Myslim Murrizi.
Ish-deputeti paralajmëroi se qytetarët nuk vijnë në protestë se janë të pa interesuar nga politika.
Murrizi shtoi në emisionin “Zona Zero” se shqiptarët janë më shumë të interesuar për Luiz Ejllin në “Big Brother VIP” se për protestën.
“Është një e drejtë kushtetuese e opozitës. Është e drejtë e çdo opozite, është e drejtë akoma më e madhe e qytetarëve që mos interesoheshin … se qytetarët e kanë hallin a do marrrë para Luizi në “Big Brother” apo jo, këtë hall kanë”, u shpreh ai.
Gjatë intervistës me Thimi Samarxhiun, ish-deputeti tha se vetëm Luizi mund t’i nxjerrë qytetarët në protestë, ndaj bëri thirrje për këtë të fundit që të dalë të protestojë kundër Qeverisë.
“Vetëm Luizi mund t’i nxjerrë. Ftojmë Luizin të dalë në protestë se nuk ka qytetari të dalë. Vetëm Luizi mund ta rrëzojë Ramën”, theksoi Murrizi me ironi.
