Prej 9 ditësh i intubuar, ish-kryeministri Fatos Nano vazhdon të jetë në gjendje jo të mirë shëndetësore. Sipas “Gazeta Si”, mjekët e tij kanë treguar se i kanë bërë një ndërhyrje kirurgjikale në trake duke i vendosur një tub plastik, që po e ndihmon në furnizimin me oksigjen. E sipas të njëjtave burime, gjendja e tij shëndetësore nuk duket e mirë, por që nga shtrimi i tij është përkeqësuar.
Të enjten e 24 gushtit 2023, Nano u shoqërua me ambulancë nga shtëpia e tij për në spital pasi kishte pasur probleme me frymëmarrjen. Deri më tani të gjitha informacionet janë bërë me dije nga mjekët, ndërsa familja ende është “frenuar” nga daljet publike.
