Xhaxha dhe nip janë dy viktimat e aksidentit të regjistruar mbrëmjen e sotme në aksin Mjede – Bushat në Vaun e Dejës.
Aksidenti tragjik ka ndodhur rreth orës 17:00 pranë fshatit Mjedë. Mediat raportojnë se dy viktimat janë konfirmuar se janë shtetasit Ndue Prenga dhe Ndrekë Prenga.
Xhaxhai dhe nipi ishin këmbësorë duke kaluar rrugën në momentin kur makina tip “Mercedes Benz” ka humbur kontrollin dhe ka dalë nga rruga, duke i përplasur për vdekje.
Për shkak të shpejtësisë automjeti i cili drejtohej nga Glindis Bujari ka dalë nga rruga duke i përplasur dhe më pas ka përfunduar në kanal.
Edhe shoferi i automjetit ka mbetur i plagosur, ndërsa ndodhet në spital nën kujdesin e mjekëve.
Njoftimi i plotë i policisë:
Një aksident tragjik ka ndodhur rreth orës 17:00 në fshatin Mjedë, Vau Dejës, ku një automjet tip “Mercedes Benz” ka humbur kontrollin dhe ka dalë nga rruga, duke përplasur dy këmbësorë.
Policia ka zbuluar dinamikën e rastit duke treguar se si pasojë e përplasjes, shtetasi N.P., 63 vjeç, ka humbur jetën në vend, ndërsa shtetasi tjetër N.P., 43 vjeç, ka ndërruar jetë gjatë transportit për në spital.
Drejtuesi i automjetit, shtetasi Glindis Bujari, është plagosur dhe ndodhet në spital nën kujdesin e mjekëve. Pasi të marrë ndihmën e nevojshme, ai do të shoqërohet nga Policia në komisariat për hetime të mëtejshme.
Sakaq, grupi hetimor është në vendngjarje dhe po punon për të sqaruar plotësisht rrethanat dhe shkaqet e këtij aksidenti.
