Një 28-vjeçar ra në pranga ditën e djeshme në Tiranë, pasi kishte dhunuar të dashurën e tij dhe kishte kryer marrrëdhënie seksuale me forcë me të. Kjo ngjarje erdhi vetëm disa ditë pas rastit tronditës në Vlorë, ku një e re dyshohet se u detyrua të konsumonte drogë dhe më pas u përdhunua nga i dashuri dhe dy shokë të tij.
Nisur nga kjo, në studion e emisionit “Shqipëria LIVE”, u diksutua mbi dhunën seksuale ndaj grave dhe vajzave në Shqipëri, ku rastet e bëra publike janë rritur ndjeshëm.
Gjatë debatit pati një përplasje mes gazetares Zhaklina Lekatari dhe Ikballe Huduti, Studiuese e fesë Islame, për shkak të mendimeve të ndryshme mes tyre.
Debati:
Ikballe Huduti: “Në fenë islame përfshihet pak dhunë, megjithatë thuhet se në momentin që një burrë nuk ia ka plotësuar ato detyrimet mujore, pra vendstrehimin, ushqimin veshjen dhe një dhuratë, atëherë gruaja ka të drejtë ta refuzojë. Në ligjin francez, kur një grua mbytet, apo dhunohet shihet se si ajo grua është veshur, çfarë provokimi ka bërë. Një vajzë e ndershme që është e mbuluar, apo edhe e veshur mirë pa provokim, nuk i ndodh gjë e tillë.”
Zhaklin Lekatari: “Po ata fëmijët që përdhunohen në Francë, edhe tek ata shihet se sa kanë provokuar? Më vjen keq që ju propagandoni këtë ide për vajzat dhe gratë.”
Ikballe Huduti: “Nuk kam dijeni për raste të tilla me fëmijët. Sigurisht, në fenë islame, kur një marrëdhënie nuk është e pranuar nga të dyja palët është përdhunim. Në këto raste duhet të shkosh tek psikologu, mund të jesh mazokist, sadist etj.”
Zhaklin Lekatari: “Po si ka mundësi, ju flisni për përdhunim dhe nuk keni infomacion për raste fëmijësh, po më habisni. Si mund të bëni propagandën tuaj, si mund t’i thoni këto gjëra, si mund të përmendi fjalë sadist, mazokist.”
