Është nënshkruar këtë të martë marrëveshja mes Fincanterit, kompanisë së prodhimit të anijeve me bazë në Itali, dhe KAYO-s, kompanisë shtetërore për sigurinë, që do përfshijë prodhim anijesh, si për nevojat e flotës shqiptare, ashtu edhe në të ardhmen për mundsitë e esksportit.
Po ashtu, u firmos edhe Letra e Mirëkuptimit për kalimin e anijes ushtarake patrulluese “Libra” në përdorim të Forcës Detare Shqiptare.
Fincantieri është një kompani italiane ndërtimi anijesh me seli në Trieste, Itali. Ndërtuesi më i madh i anijeve në Evropë, pas blerjes së kompanisë Vard në vitin 2013, u dyfishua në përmasa për t’u bërë i katërti më i madh në botë (në vitin 2014). Kompania ndërton si anije tregtare ashtu edhe ushtarake.
Kompania është e listuar në Borsa Italiana (Bursa e Milanos) dhe është pjesë e indeksit FTSE Italia Mid Cap. Fincantieri projekton dhe ndërton anije tregtare, anije pasagjerësh, anije për përdorim në det të hapur dhe anije luftarake, dhe është gjithashtu aktive në sektorët e konvertimit dhe riparimit të anijeve.
Fincantieri punëson rreth 10,000 punëtorë në tetë kantierë ndërtimi anijesh, dy qendra projektimi, një qendër kërkimi dhe dy impiante prodhimi për komponentë mekanikë. Edhe 10,000 persona të tjerë kontribuojnë në zinxhirët e saj të furnizimit.
