Detaje të reja janë zbuluar lidhur me ngjarjen makabër të regjistruar ditë më parë në vendin tonë ku 49-vjeçari Fadi Alwan masakroi me thikë vajzën e tij 24-vjeçare.
Burime për mediat bëjnë me dije se babë e bijë kishin konflikte të hershme, madje 24-vjeçarja e kishte denoncuar edhe për dhunë babain e saj në Gjermani.
Rayyan Alwan kishte konflikte të vazhdueshme me nënën, babain dhe vëllezërit e saj pasi ata pretendonin se ajo nuk ishte e përkushtuar ndaj fesë aq sa ata mendonin.
Ndërkohë, mësohet se Rayya ishte divorcuar dhe kishte 3 fëmijë nga martesa e parë, gjë e cila ishte në kundërshtim me parimet e babait të saj.
Fadi dhe Rayyan
Fillimisht u tha se Fadi dhe Rayyan ishin partnerë, por më pas u zbulua se në të vërtetë ata ishin baba dhe bijë.
Sipas asaj që është shkruar në fashikujt e dosjes, bazuar në pamjet e kamerave të sigurisë, 49-vjeçari më datën 22 shkurt 2025 është larguar nga banesa e marrë me qira në Tiranë në orën 05:23 dhe në duar mbante dy qese plastike.
Në orën 09:50 ai ka udhëtuar nga Aeroporti Ndërkombëtar “Nënë Tereza” dhe në orën 12:05 ka mbërritur në aeroportin “Eleftherios Venizelos” në Athinë, Greqi.
Dhe po në këtë datë ka udhëtuar drejt Amsterdamit, Holandë. Po këtu, kanë humbur edhe gjurmët e Fadi Alwan i cili është tashmë i dyshuari kryesor për vrasjen e 24-vjeçares palestineze në Tiranë, Rayyan Alwan.
Gjithashtu, mësohet se 49-vjeçari pavarësisht se është shtetas palestinez dhe jeton në Gjermani, mbante dokumente greke si edhe pasaportë të shtetit të Kosovës.
Ndërkohë, një tjetër detaj tronditës u bë me dije më herët lidhur me këtë ngjarje. Sipas asaj që mediat e huaja shkruanin, dyshohet se 24-vjeçarja palestineze Rayyan Alwan përpara se të vritej është përdhunuar nga babai i saj Fadi Alwan.
