Një ngjarje e rëndë tronditi ditën e sotme Shkodrën, ku 34-vjeçari Kolë Manaj plagosi me armë zjarri bashkëjetuesen e tij 44-vjeçaren Anila Prendushi Ndoka dhe më pas vrau veten.
Kolë dhe Anila, bashkëjetonin prej disa vitesh, ndërsa 44-vjçarja ishte e divorcuar dhe nënë e tre fëmijëve nga martesa e parë.
E gjitha kjo skenë ka ndodhur në automjetin e dy personave që qëndronte i parkuar pranë banesës ku ata jetonin.
Pas aktit kriminal, të afërm të Anila Prendushi Ndoka kanë treguar se 44-vjeçarja ishte me profesion punonjëse sociale dhe aktualisht punonte pranë Bashkisë Shkodër. Ndërsa 34-vjeçari Kolë Manaj ishte i papunë dhe me vështirësi ekonomike.
Ky dyshohet të jetë edhe shkaku i vrasjes, sepse sipas të afërmve ata e përjashtojnë motivin e xhelozisë.
Ndërkohë, në brendësi të automjetit është gjetur dhe armë zjarri pistoletë që përdori viktima.
Sa i perket 44-veçares, nënës së tre fëmijëve edhe pse ka marrë një plumb në kokë, fatmirësisht ajo është gjallë. Në gjendje kritike për jetën, Anila po trajtohet në spitalin rajonal të Shkodrës.
