– Farmacistët janë të radhës që largohen nga Shqipëria, pas mjekëve e infermierëve. Sipas të dhënave zyrtare të Urdhërit të Farmacistit, vetëm në vitin 2022 janë larguar 75 profesionistë të fushës.
Për Diana Tomën, kryetaren e këtij urdhëri, ky fenomen shumë shpejt do të na çojë në mungesë profesionistësh në këtë shërbim. Toma shprehet për Euronews se kriza për gjetjen e profesionistëve të barnave ka nisur.
“Për hir të së vërtetës quhet masiv referuar numrit të farmacistëve që e ushtrojnë profesionin dhe atyre që po largohën. Nëse për disa vite po të vazhdojnë me këto ritme largimi do jemi para mungesës së personelit që do të na ofrojmë shërbim farmaceutik. Nëse me parë ishim në raportin iknin 1, 2 dhe 8 mbeteshin, vajtem në raportin që 5 mbeten dhe 5 iknin. Aktualisht jemi në raportin më shumë se 5 ikin më pak se 5 mbeten. Nuk gjen farmacistë për t’i plotësuar, dhe kur garantojnë me profesionistë njërin turn, kanë probleme të mbulojnë turnin tjetër,”- tha ajo.
Aktualisht në të gjithë vendin numërohen rreth 3 mijë farmacistë.
