Mbretëresha Rania e Jordanisë ka festuar ditëlindjen e rrethuar nga njerëzit e dashur. Madhëria e saj shkroi në Instagramin e saj personal të enjten për të falënderuar ata që e bënë të ndihej “vërtet speciale” në ditëlindjen e saj.
“Falënderoj yjet e mi me fat për secilin prej jush! Madhëria juaj, familja ime dhe të gjithë jordanezët e mrekullueshëm, ju më keni bërë të ndihem vërtet e veçantë”, ka shkruar ajo krahas fotove nga një mbledhje me anëtarët e familjes së saj.
Në foton e parë, Mbretëresha, e cila mbushi 53 vjeç më 31 gusht, u fotografua e ulur në një restorant mes bashkëshortit të saj Mbretit Abdullah II dhe nuses, Princeshës Rajwa, ndërsa Princi i Kurorës Hussein ishte ulur pranë gruas së tij. Imazhi i dytë tregon mbretëreshën Rania duke përqafuar ëmbël nusen e saj, për të cilën ajo më parë tha se është “përgjigjja e përsosur për të gjitha lutjet e saj për Huseinin”.
!["Përgjigjja për të gjitha lutjet që kisha për tim](https://cdnimpuls.com/the-living-media.com/media3/-640-0-1693508433xduhpng-668.png)
Princi i kurorës ka shpërndarë edhe një foto nga mbledhja familjare në llogarinë e tij në Instagram. “Zoti të bekoftë dhe të ruajtë gjithmonë nënë e dashur. Ju uroj një ditëlindje të lumtur,” shkroi ai duke e shoqëruar me një foto të nënës së tij që qëndron mes tij dhe Rajwa.