Shantazhi ndaj një 21-vjeçare nga Shkodra i ka kushtuar shtrenjtë një të riu nga Elbasani. Gerald Dragoti, 22 vjeç është arrestuar nga policia në Tiranë, pasi ishte denoncuar nga vajza se e kanoste dhe shantazhonte përmes celularit, për të përfituar para prej saj.
22-vjeçari është kapur në flagrancë nga efektivët, në momentin që do të merrte një shumë parash, e cila u sekuestrua si provë materiale.
Njoftimi i Policise
Kanoste dhe shantazhonte nëpërmjet celularit, një 21-vjeçare, për t’i dhënë para, kapet dhe vihet në pranga 22-vjeçari.
22-vjeçari është kapur në flagrancë nga shërbimet e Policisë, në momentin që do të merrte një shumë parash, e cila u sekuestrua si provë materiale.
Sapo ka marrë kallëzim se një shtetase shantazhohej për të dhënë para, Seksioni për Hetimin e Krimeve ndaj Personit të DVP Shkodër ka organizuar punën për të arrestuar autorin. Si rezultat i veprimeve të shpejta dhe profesionale të kryera në bashkëpunim me shërbimet e Stacionit të Policisë Farkë, është kapur në flagrancë, në një vendparkim automjetesh në Tiranë, në momentin që do të merrte një shumë parash nga 21-vjeçarja, shtetasi:
G.D., 22 vjeç, banues në Elbasan.
Shuma e parave u sekuestrua nga shërbimet e Policisë, si provë materiale.
Materialet procedurale i kaluan Prokurorisë pranë Gjykatës së Shkallës së parë të Juridiksionit të Përgjithshëm Shkodër, për veprime të mëtejshme.
