Nazmi Proga, babai i Eglit, në një intervistë për Top Channel ka hedhur akuza të forta për vrasjen e djalt të tij.
Ai shprehet se djali i tij u masakrua dhe policia bashkë me ambulancën reaguan me vonesë, ndërsa thotë se djali i tij nuk e meritonte të rrinte i shtrirë për 30 minuta në tokë.
Për Nazmiun, babain e Eglit kjo ngjarje është një peng i madh.
Atë pasdite në barin e marrë me qira shërbente ai, por i biri e përcolli në shtëpi duke i thënë se do të takonte një shok e do të bashkoheshin në shtëpi, gjë e cila nuk ndodhi.
Ai tregon se Egli ishte njeri paqësor, ndërsa për autorin thotë se ishte ‘gangster’ dhe që ka lidhje të forta.
Babai i Egli Progës: Ne na ra një fatkeqësi e madhe, nuk e meritonim këtë tragjedi. Unë me djalin u shkëputa rreth orë para se të ndodhte gjëma. Të keqen e mora vesh kur shkova në spital dhe e gjeta të vdekur. Vrasja e djalit tim kishte ndodhur në një lokal, në mënyrë krejt të padrejtë, sepse djalin tim e kam pasur gjithmonë të edukuar, të shkolluar. Ishte një njeri që as mizën nuk e vriste dot. U torturua, u masakrua, por e nxorën në rrugë në mëshirë të fatit rreth gjysmë orë atje, nuk e meritonte djali im të rrinte në mes të rrugës, pa ndihmën e askujt. Kam shumë pretendime për veprimet e policisë, nuk dhanë ndihmë por dhe nuk na linin të afroheshim. Tentuan ta fshinin gjoja rrëshqiti sepse ishte i pirë, djali u godit dhe u vra nga njerëz kriminel ordiner të pashpirt.
A ka ardhur më përpara Denisi në lokalin tuaj?
Babai i Egli Progës: Nuk e njoh Denisin fare, nuk e mbaj mend të ketë ardhur në lokal. Ka qenë problematik, një gangster dhe ishte me precedent penale. Mosveprimi i shtetit ndodhi të vepronte akoma me keq. Nuk e kam njohur më përpara.
Policia nuk jep sqarime për motivin e vrasjes, por thotë që motive të dobëta. Përse nisi konflikti mes të dyve?
Babai i Elgi Progës: Unë nuk di gjë, di gjë që doli nga lokali, duke ecur rrugës, është shumë në rregull. Mbylli lokalin dhe vazhdoi rrugën, pastaj nuk e kanë kapur më kamerat. Por ka kamera përballë supermarketit. Veprimi më shumë ka ndodhur brenda një lokali, dyshoj a u thirr apo hyri vetë. Ik ti i thash djalit se do rri unë në lokal, por takoj një shok dhe e ktheu, tha do rri dhe pak dhe do vi. Djali doli pastaj në kamera e keni të filmuar, goditja është bërë brenda.
A ka pasur dëshmitarë? Ke takuar ndonjërin prej tyre?
Babai i Elgi Progës: Ka plot dëshmitarë, nuk i kam takuar.
Të kanë treguar çfarë bisedoi Egli me Denisin?
Babai i Elgi Progës: Më duket ka ndodhur për një cigare, është e tmerrshme, njerëzit që ishin aty i dinë të gjitha dhe ata duhet të tregojnë. Deri në prag ka dalë djali dhe është dorëzuar. Policia ka dashur të fshehë motivin, insistoj me forcë që institucionet të zbardhin ngjarjen dhe të merren masa për autorin. Nuk është rrëzuar djali, e kanë goditur prandaj, por do dalë e vërteta. Le të ketë njerëz ai, mos të mbrohet nga institucionet. Unë atë djalë kisha, me dy fëmijë, i përkushtuar me punë të mbante familjen.
Si ishte një ditë e Eglit?
Babai i Egli Progës: Egli gjithmonë ishte i qeshur, fillonte punën që në mëngjes, me shokët ishte i shkëlqyer, me ne po. Nuk dinte të thoshte njëherë jo, ishte baba i dy fëmijëve. Vëlla i një motre, motrën e ka juriste, çfarë të them. Spitali duhet të ishte më në gatishmëri, ishte djali në morg pa një infermier pa asgjë. Prandaj i lutem shtetit të dalë e vërteta, boll me miq me shtet, me leke, boll se çdo gjë ka kufi.
A ka pasur një tentativë nga familjarët e autorit të kontaktojë me ju apo t’ju kërkojë falje?
Babai i Elgi Progës: Familjarët e tij nuk janë afruar, edhe sikur të tentojnë nuk do t’i pranoja. Ç’është më e çuditshmja, një heshtje nga policia, indiferentizëm. Si nuk ka ardhur njeri të pyesë, ore baba çfarë ndodhi a di gjë më tepër.
Nuk keni marrë asnjë informacion nga policia në lidhje me rrethanat apo të pyeteni si person në dijeni?
Babai i Elgi Progës: Absolutisht jo, kështu është e vërteta. Kemi bërë një padi dhe do e ndjekim deri në fund. Nuk e lëmë me kaq, do dali e vërteta.
