Dy persona janë konfliktuar në lidhje me një vendparkim në një qendër tregtare në qytetin e Korçës.
Bëhet me dije se njëri prej tyre u shoqërua në polici pasi sulmoi me grushte 48-vjeçarin me të cilin u konfliktua.
Policia njofton se pasi u shoqërua, autori 30-vjeçar u procedua penalisht në gjendje të lirë, ndërkohë që materialet në ngarkim të tij u referuan në prokurori për veprime të mëtejshme.
“Specialistët për Hetimin e Krimeve të Komisariatit të Policisë Korçë referuan materialet në Prokurori ku filloi procedimi në gjendje të lirë për shtetasin P. K., 30 vjeç, banues në Korçë, pasi në vendparkimin e automjeteve, në një qendër tregtare, dyshohet se për motive të dobëta, ka goditur me grushte, një 48-vjeçar.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme”, thuhet në njoftimin e policisë.
