Pas më shumë se 48 orësh në arrati është vetëdorëzuar në polici Azgan Mërnica, 23-vjeçari i cili qëlloi me plumb në kokë efekivin e “Shqiponjave” Novruz Cenalia.
Krimi i rëndë u regjistrua më 13 maj, rreth orës 13:00 në fshatin Baltëz të Fierit.
Mërnica pas një konflikti të momentit për kalimin në rrugë, qëlloi me plumb në kokë efektivin, i cili ndërroi jetë në vendngjarje dhe më pas u arratis me makinë.
E pranishme ishte edhe e ëma e 23-vjeçarit, e cila pa të gjithë ngjarjen. Para uniformave blu ajo dëshmoi se gjithçka ndodhi shumë shpejt, ndërsa pas konfliktit dëgjoi një të shtënë arme.
Forcat e RENEA-s dhe FSSH për dy ditë zhvilluan kërkime intensive dhe ditën e sotme kanë arritur që ta prangosin por kjo vetëm pasi babai dhe daja kanë negociuar dhe kanë bindur 23-vjeçarit Agzan Mërnica që të dorëzohet.
Burime nga policia bëjnë me dije se ai fshihej në afërsi të fshatit Dërmenas.
