Një adoleshente ka zbuluar se ajo jeton në makinën e saj me kohë të plotë. Dayra Reynoso, 19 vjeç, ndau një klip në TikTok duke detajuar stilin e saj të pazakontë të jetesës, që nga momenti që zgjohet në makinën e saj të vogël në Karolinën e Veriut deri në nisjen për në palestër, ku bën edhe dush.
Gruaja, e cila drejton një markë veshjesh të përdorura në Instagram, tha se i pëlqen të jetojë në automjetin e saj për shkak të ‘lirisë’ që i jep. Klipi detajon stilin e saj të jetesës në natyrë, nga gatimi i vakteve të saj në një sobë kampingu deri tek kryerja e rutinës së saj të mëngjesit të jogës në vende idilike.
Reynoso tregoi gjithashtu se si përfiton nga anëtarësimi i saj në palestër për dush, duke larë dhëmbët dhe duke rimbushur ujë të freskët.
Në një tjetër TikTok, adoleshentja shpjegoi pse jeton ashtu siç jeton.
“Unë jetoj në makinën time sepse dua. ‘Pse jo? Çdokush mund të jetojë në makinën e tij për çfarëdo arsye. Ju keni kaq shumë liri.”, thotë Reynoso.
Ajo shtoi se ishte frymëzuar të jetonte në makinën e saj pasi pa të tjerët të bënin të njëjtën gjë. Videot e saj kanë grumbulluar mbi 7.4 milionë shikime dhe mijëra komente.
