Një ngjarje e rëndë ka ndodhur mbrëmjen e sotme në qendër të qytetit të Shkodrës ku një person ka mbetur i plagosur me thikë.
Sipas informacioneve paraprake mësohet se i plagosur ka mbetur Bledar Troshani, i cili menjëherë është nisur drejt spitalit në gjendje të rëndë.
Blutë e Shkodrës bëjnë me dije se se autor i kësaj ka rënë në prangat e policisë, i cili rezulton të jetë daja i Troshanit, Zyhdi Shpejtimi.
Njoftimi i plotë i Policisë Shkodër:
Plagosi me mjet prerës (thikë) një 44-vjeçar, kapet menjëherë dhe shoqërohet në Komisariat, autori i dyshuar.
Rreth orës 18:15, në lagjen “Qemal Stafa”, shtetasi Z. Sh., ka plagosur me mjet prerës (thikë), shtetasin B. T., 44 vjeç, të dy banues në lagjen “Kongresi i Përmetit”.
Falë veprimeve të shpejta policore, është bërë e mundur kapja e menjëhershme dhe shoqërimi në ambientet e Komisariatit të Policisë Shkodër, i shtetasit Z. Sh., me qëllim kryerjen e veprimeve të mëtejshme procedurale.
Grupi hetimor vijon punën për zbardhjen e plotë të rrethanave të kësaj ngjarjeje.
