Ditën e sotme u përhap menjëherë lajmi se këngëtarja e njohur, Enca, ka përfunduar në prangat e policisë së Tiranës. 27-vjeçarja akuzohet për kultivim të lëndëve narkotike.
Pas kontrollit në banesën e saj, në ballkon policia ka gjetur 5 vazo të mbjella me kanabis të mëdha. Gjithashtu bëhet e ditur se edhe i dashuri i saj është arrestuar.
Pas arrestimit, këngëtarja e njohur është shprehur se është përdoruese dhe e ka për përdorim vetjak.
Por sa e parashikon ligji dënimin për kultivimin e lëndëve narkotike?
Në Shqipëri kultivimi i bimëve, që shërbejnë ose dihet se shërbejnë për prodhimin dhe nxjerrjen e lëndëve narkotike dhe psikotrope, pa leje dhe autorizim sipas ligjit, dënohet me burgim nga tre deri në shtatë vjet.
Kjo vepër kur kryhet në bashkëpunim ose më shumë se një herë, dënohet me burgim nga pesë deri në dhjetë vjet.
