E papërshkrueshme është zija për familjarët e viktimave të tragjedisë në Tempe që i ka kushtuar jetën të paktën…57 personave. Siç u bë e ditur nga Policia greke, në laboratorët e mjekësisë ligjore, nga momenti i parë deri të shtunën kanë mbërritur gjithsej 107 mostra nga të vdekurit dhe mbetjet njerëzore, dhe nga hetimet janë identifikuar 55 nga të vdekurit.
Një person i vdekur është ende i zhdukur pasi askush nuk e ka kërkuar dhe nuk ka asnjë mostër e ADN-së nuk përputhet, ndërsa një nënë është ende në kërkim të vajzës së saj, Erieta (Molko) 23-vjeçare, e cila ishte në tren, por asnjë gjurmë e saj nuk eshte gjetur.
Prindërit e studentes 23-vjeçare të Arkitekturës, me origjinë shqiptare, e cila po udhëtonte me trenin e vdekjes, po jetojnë një makth pasi autoritetet nuk kanë mundur ta gjejnë.
Nga Erieta që prej të martës mbrëma nuk ka asnjë lajm për prindërit, të cilët presin të bjerë telefoni dhe të mësojnë se çfarë ka ndodhur me vajzën e tyre të vetme.
Prindërit e saj e kanë dërguar ADN-në, por ajo nuk u identifikua me trupat dhe pjesët njerëzore të gjetura në skenën e tragjedisë. Prindërit e nxënëses kanë pasur komunikimin e fundit me vajzën e tyre, pak para aksidentit fatal.
Edhe një 34-vjeçar nga Bangladeshi rezulton i zhdukur
Në të njëjtën kohë në agoni ndodhet edhe familja e një 34-vjeçari nga Bangladeshi. Zhdukja e tij u denoncua pranë autoriteteve nga një mik i tij, i cili deklaroi se 34-vjeçari udhëtoi me trenin fatal nga Athina në Selanik për të dorëzuar letrat e qëndrimit në vend. Policia ishte në gjendje të gjente ADN-në e tij nga një nga furçat e dhëmbëve të tij pas një këshille nga shoku i tij, por autoritetet deri më tani nuk kanë qenë në gjendje ta identifikojnë atë.
