Ushtria e Kinës ka deklaruar se është ‘gati për të luftuar dhe për të shkatërruar pavarësinë e Tajvanit’, duke publikuar një video të animuar që simulon se si do të nisë një sulm të gjithanshëm ndaj kombit ishullor vetëqeverisës.
Klipi, i shpërndarë nga llogaria zyrtare WeChat e Komandës së Teatrit Lindor të Ushtrisë Kineze dhe e postuar më vonë në Twitter nga The Global Times, tregoi se si Pekini do të lëshonte një lum raketash nga kontinenti dhe marina e saj në ngushticën e Tajvanit për të shkatërruar mbrojtjen e Tajvanit përpara se të pushtonte.
Kjo video vjen pasi ushtria e Kinës përfundoi tre ditë “patrulla të gatishmërisë luftarake” në shkallë të gjerë, të cilat simulonin mbylljen e plotë të ishullit në një bllokadë ushtarake dhe u përshkruan nga zyrtarët e mbrojtjes si një “paralajmërim”.
Stërvitjet ishin të ngjashme me ato të kryera nga Pekini gushtin e kaluar, kur nisi sulme me raketa mbi objektivat në detet rreth Tajvanit në hakmarrje për vizitën e ish-kryetares së atëhershme Nancy Pelosi në ishull – e parë nga presidenti kinez Xi Jinping si pjesë e Kinës.
Ekspertët ushtarakë thonë se stërvitjet shërbejnë edhe si frikësim dhe si një mundësi për trupat kineze që të praktikojnë mbylljen e Tajvanit duke bllokuar trafikun detar dhe ajror, një opsion i rëndësishëm strategjik që ushtria kineze mund të ndjekë në rast se përdor forcën ushtarake për të marrë Tajvanin.
