Pasi bënë thirrje për dorëheqjen e minsitres së Arsimit, qytetarët që po protestojnë për dhunimin e 3-vjeçares nga edukatorja, po marshojnë drejt Ministrisë së Brendshme.
Në një nga pankartat që ata mbajnë në duar është fotoja e edukatores Majlinda Dehima me kryq të kuq në fytyrë dhe shkruhet: “Bëjeni shembull.”
Më herët, policia njoftoi arrestimin e edukatores, lajm që u prit me duartrokitje nga protestuesit, të cilët tahsmë kërkojnë dënimin e saj. Prokuroria ka kërkuar caktimi ne masës së sigurisë “Arrest me burg” për Dehimën, e cila akuzohe për veprën penale “Keqtrajtimi i të miturit”.
Ngjarja e rëdnë u zbulua pas denoncimit të pridnërve dhe në një emision investigativ u publikuan pamje ku shihet se edukatorja e hdunon të miturën, duke i thyer edhe këmbën.
Njoftimi i Policisë:
Në vazhdim të veprimeve të thelluara hetimore në lidhje me rastin e keqtrajtimit të një 3-vjeçareje në një kopsht privat, Specialistët për Hetimin e Krimit në Komisariatin e Policisë Nr. 1 Tiranë, ekzekutuan urdhrin e Prokurorit për masën e sigurisë “Arrest në burg”, dhënë nga Gjykata e Shkallës së Parë e Juridiksionit të Përgjithshëm Tiranë, për shtetasen Majlinda Dehima, 48 vjeçe, për veprën penale “Keqtrajtimi i të miturit”.
Kjo shtetase dyshohet se ka keqtrajtuar një të mitur, në një kopësht privat, ku punonte si edukatore.
Ndërkohë me qëllim rritjen e parametrave të sigurisë në çerdhe, kopështe e shkolla private, Policia e Shtetit ka nisur kontrollet në terren për të verifikuar ligjshmërinë e ushtrimit të aktivitetit nga operatorët ekonomik privat.
Policia e Shtetit fton prindërit, mediat e qytetarët që të denoncojnë çdo rast të abuzimit e keqtrajtimit të fëmijëve në kopështe, çerdhe e shkolla, duke ju garantuar për reagim të shpejtë e profesional.
