Autori i grabitjes së 30 mijë eurove në Astir, Artan Tafani ka rënë në pranga, ndërsa është bërë i penduar i drejtësisë dhe ka zbardhur 6 vrasje. Dje janë lëshuar 15 urdhër-arreste dhe deri më tani janë ekzekutuar 5 prej tyre.
Mes të arrestuarve është edhe 27-vjeçarja Klea Gjata, nga Lushnja, shoqe e Laert Haxhisë.
![FOTO- Kush është Klea, e dashura e Laert Haxhisë që](https://cdnimpuls.com/dosja.al/media3/-640-0-1695887774xklea-gjata-644.png)
Si u zbardhën 6 vrasjet e bujshme?
Artan Tafani, 39-vjeçari i arrestuar 4 ditë më parë, pasi ishte në kërkim për vjedhjen në një ‘Exchange’, ka pranuar të bëhet bashkëpunëtor i drejtësisë duke zbërthyer 20 ngjarje të rënda kriminale, mes tyre dhe 6 vrasje. 39-vjeçari, i cili rezulton të jetë pjesë e bandës kriminale të Laert Haxhiut, në Lushnjë, ka zbuluar se dy prej vrasjeve të zbardhura kanë ndodhur në Greqi ndërsa 4 të tjerat kanë ndodhur në Elbasan Korçë, Lushnje, Tepelenë.
6 vrasjet e bujshme janë: Çajup Selimi, Alban Semaku, Albi Bashaliu, Lulzim Qorri, Fridmand Xhaferraj, Dikens Halili.
Pas zbardhjes, Policia ka nisur një operacion, i cili është shtrirë në disa qytete të vendit. Deri tani janë firmosur 15 urdhër-arreste me vendim gjykate, nga të cilat janë ekzekutuar 5 prej tyre.
![](https://thealbaniantimes.al/wp-content/uploads/2023/09/750df995-ac5c-45a9-889d-ef25f1e24fa0-540x720-1.jpg)
![](https://thealbaniantimes.al/wp-content/uploads/2023/09/640-0-1695887774xwhatsapp-image-2023-09-28-at-093616-624.jpeg)