Një 23 vjeçar është arrestuar pasi dyshohet se ka i hequr lirinë për disa orë, si dhe ka ushtruar dhunë ndaj të dashurës së tij 17-vjeçare.
Arrestimi është kryer nga policia e Komisariatit nr 6 menjëherë pas denoncimit.
23 vjeçari i identifikuar si Bred Llaftiu është arrestuar në Xhafzotaj të Durrësit ku dhe banonte informoi sot policia e Tiranës.
“Nga veprimet hetimore dyshohet se 23-vjeçari, ka marrë me forcë në automjetin e tij duke i hequr lirinë për disa orë, si dhe ka ushtruar dhunë ndaj të dashurës së tij 17-vjeçare” thuhet në njoftimin e policisë.
Ndërkohë policia e komisariatit nr 2 arrestoi një banor të Tiranës me inicialet M. H., pasi dyshohet se ka ngacmuar seksualisht një të mitur 15 vjeçe.
