Policia e Tiranës ka reaguar pas publikimit të një video shqetësuese ku një i mitur shfaqej duke qarë në autobusin e Vorës. Mes lotëve fëmija thoshte se dikush e dhunon dhe nuk do të shkojë te ai.
Uniformat blu bëjnë me dije se menjëherë pas publikimit të këtyre pamjeve Policia u vu në lëvizje dhe bëri të mundur identifikimin e autorit të dyshuar lidhur me këtë rast. Ndjekja penale ka nisur per nje 65-vjeçar A.H, banues në Tiranë, pasi akuzohet për veprat penale “Dhuna në familje” dhe “Keqtrajtimi i të miturit”. Ndërkohë, materialet procedulare i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme.
Më herët u bë me dije se djali që shfaqej në video është një 7-vjeçar me aftësi të kufizuar që ndjek terapinë në mënyrë të vazhdueshme në Qendrën Kombëtare Terapeutike dhe Rehabilituese për fëmijë, Kombinat.
Sipas dëshmitarëve nënën e djalit e mori dikush në telefon dhe pas kësaj telefonate i mituri ka filluar të qajë dhe i frikësuar i thotë që “ai e dhunon”.
E ëma: Po ku të të çoj unë ty ore?
Djali: Po je se ai më dhunon (qan)
E ëma: Dreqi ta hajë. Pusho ëre. Pusho njëher të flas në telefon. Pusho se po na dëgjon i gjithë autobusi
