Një aksident i rëndë është regjistruar në orët e para të mëngjesit në zonën e Këlcyrës, ku 8 persona kanë humbur jetën.
Sipas të dhënave paraprake, viktimat janë klandestinë nga vendet e Lindjes së Mesme, të cilët po transportoheshin me një automjet tip Benz, si dhe drejtuesi i tij Sokol Ismeti.
![](https://thealbaniantimes.al/wp-content/uploads/2024/04/ddhwt_sd-800x450-1.jpg)
Makina me klandestinë është pikasur nga policia në afërsi të fshatit Kuqar dhe drejtuesi i saj menjëherë ka shtuar shpejtësinë për t’i shpëtuar.
Pas disa minutash ai ka humbur kontrollin e mjetit dhe ka dalë nga rruga duke rënë në anë të lumit Vjosë.
![](https://thealbaniantimes.al/wp-content/uploads/2024/04/fdhdh_sd-1024x576.jpg)
Si pasojë e daljes nga rruga kanë humbur jetën 8 shtetas, 7 dyshohet se janë nga vendet e treta dhe drejtuesi i automjetit nga Shkodra.
![](https://thealbaniantimes.al/wp-content/uploads/2024/04/640-0-1712043270ximg-6492-606.webp)
Në vendngjarje ndodhet grupi hetimor i cili nën drejtimin e Prokurorit punon për sqarimin e rrethanave dhe shkakut të aksidentit.
![](https://thealbaniantimes.al/wp-content/uploads/2024/04/640-0-1712036749x0b905ba0-66eb-4f63-8282-eed041c493bb-723.jpg)
Gjithashtu në vendngjarje ndodhen Drejtori Vendor i Policisë, Drejtori i Departamentit për Kufirin, Drejtori i Policisë Rrugore dhe Drejtori i Rendit Publik.
![](https://thealbaniantimes.al/wp-content/uploads/2024/04/640-0-1712037232x9ecfaf4b-e09d-4d39-9aca-3baa26719ce5-379-1.jpg)
Po në vendngjarje ndodhen dhe dy grupe të Forcës Kombëtare të Sigurisë.
![](https://thealbaniantimes.al/wp-content/uploads/2024/04/450-300-1712035183xzfdsfjpg-933.jpg)