Një shtetas ka përplasur automjetin e prefektit të Korçës gjatë mbrëmjes së sotme.
Ngjarja ka ndodhur në unazën e qytetit.
Fatmirësisht nuk ka pasur dëmtime në njerëz, por vetëm dëme materiale.
Drejtuesi me iniciale D.Xh. është larguar nga vendngjarja pas përplasjes, duke u fshehur në një lagje të qytetit, ku u gjet nga policia e qarkullimit rrugor.
Në testin e bërë ai rezultoi se ishte nën ndikimin e alkoolit. Pas kësaj u bë menjëherë shoqërimi i tij.
Ndërkohë çështja do ti kalojë prokurorisë për veprime të mëtejshme.
