Të tjera detaje janë zbardhur nga aksidenti në rrugën e Elbasanit, ku një autobus humbi kontrollin dhe për pasojë u përmbys në mes të rrugës.
Drejtuesi i autobusit, pasi humbi kontrollin ka dalë nga rruga duke marrë përpara edhe dy automjete të tjera.
Si pasojë e aksidentit të plagosur kanë mbetur tre persona, të cilët janë transportuar në spital dhe ndodhen jashtë rrezikut për jetën.
Tiranë/Informacion paraprak
Më datë 26.03.2023, rreth orës 15:45, në Rrugën e Elbasanit, shtetasi G. Q., 42 vjeç, duke drejtuar autobusin e linjës së Krrabës, dyshohet se ka humbur kontrollin mbi drejtimin e autobusit dhe si pasojë autobusi ka dalë nga rruga dhe është përmbysur.
Si pasojë janë dëmtuar 3 shtetas të cilët ndodhen nën kujdesin e mjekëve, jashtë rrezikut për jetën.
Pas testit të alkoolit, drejtuesi i autobusit nuk ka rezultuar nën efektin e pijeve alkoolike.
Në vendngjarje ndodhen shërbimet e ambulancës dhe shërbimet e Policisë.
