Policia ka arrestuar një 19-vjeçar në Pogradec i cili lëvizte në fshatin Llëngë me pistoletë dhe armë gjahu. Në pranga ka përfunduar Halit Kalanxhi.
Shërbimet policore kanë sekuestruar armët e zjarrit, municionin për to dhe 3 kapsolle detonatore.
“Si rezultat i një hetimi të ndjekur për disa javë, me metoda proaktive, në bashkëpunim me Prokurorinë e Korçës, në bazë të informacioneve të siguruara nga inteligjenca policore, se një shtetas posedonte armë, armë shpërthyese dhe municion, shërbimet e Komisariatit të Policisë Pogradec kanë finalizuar operacionin policor të koduar “Llënga”, si rezultat i të cilit u arrestua në flagrancë shtetasi:
-H. K., 19 vjeç, banues në fshatin Hondisht, Pogradec.
