Familjarët e Arben Lleshit, i cili u vra ne burgun e Peqinit më 15 dhjetor nga i dënuari me burgim të përjeshtëm Sokol Mjacaj, kanë ngritur pretendime se viktima nuk është i afërmi i tyre.
Prokuroria e Elbasanit ka vendosur të bëjë krahasimin e ADN-së së viktimës me motrën e tij dhe pas rezultave do t’i jepet leja Bashkisë për të kryer varrimin.
Familja e Arben Lleshit ka refuzuar të kryejë ceremoninë e varrimit, nga frika e hakmarrjes.
Varrimi nga Bashkia
Instituti i Mjekësisë Ligjore ka bërë kërkesë në Prokurorinë e Elbasanit për nisjen e procedurave të varrimit të Arben Lleshit nga Bashkia pasi familja e tij ka refuzuar të tërheqë trupin.
Mësohet se trupi i pajetë i viktimës nuk u tërhoq nga familjarë apo të afërm, të cilët e kanë braktisur për shkak të frikës së vijimit të sagës se hakmarrjes.
Në këto kushte sipas ligjit IML iu drejtua prokurorisë me kërkese me leje për të vijuar procedurat për varrimin.
Zyrtarisht prokuroria e Elbasanit tha se do ta miratonte lejen dhe më pas është drejtoria përkatëse pranë Bashkisë që kryen varrimin e Arben Lleshit.
VRASJA
Arben Lleshi u qëllua për vdekje brenda burgut nga Sokol Mjacaj një tjetër i dënuar me burg përjetë. Po ashtu i plagosur mbeti Indrit Shaqja.
Hetuesit dyshojnë që Mjacaj ka vepruar dhe vrarë bashkëvuajtësin kundrejt pagesës, por nuk ka mundur ende të identifikojë urdhëruesit.
Mjacaj ka dhënë disa dëshmi para hetuesve, por këta të fundit thonë se ai jep alibi jo të besueshme, por po i keqorienton në pistat e hetimit.
Viktima Arben Lleshi ishte dënuar përjetësisht për vrasjen dhe më pas djegien e Agim Hoxhës në Britaninë e Madhe në 2012. P
as kësaj ngjarje, familja Lleshi humbi dhe 4 pjesëtarë. Dy xhaxhallarët e Arben Lleshit, Xhavit e Hajredin Lleshi u ekzekutuan përkatësisht në 2013 dhe 2016. Ndërsa u zhdukën dy djemtë e xhaxhallarëve të tij, Artan e Klevis Lleshi, fati i të cilëve edhe sot nuk dihet.
