Pasi bleu Twitter Elon Musk nuk është më njeriu më i pasur në botë.
Pronari i Twitter dhe CEO i Tesla, ka humbur titullin, i cili i kalon Bernard Arnault, pronarit të Louis Vuitton, sipas Forbes.
Pasuria e Musk ra në 185.3 miliardë dollarë, duke lënë në vend të parë Arnault, i cili ka pasur prej 185.4 miliardë dollarësh, raporton DailyMail.
Kjo është hera e parë që nga shtatori 2021 që Musk u rrëzua nga vendi i parë në listën e miliarderëve , e cila përditësohet vazhdimisht bazuar në çmimet e aksioneve.
Kjo pason një periudhë të turbullt për Musk, i cili shiti pjesë të konsiderueshme të pronave të tij Tesla për të financuar blerjen e tij prej 44 miliardë dollarësh në Twitter gjashtë javë më parë. Pasuria personale e Musk është kryesisht e lidhur me aksionet e Tesla-s, e cila ka humbur 57 për qind të vlerës së saj që nga fillimi i vitit
