Aktorja Ema Andrea ka treguar se ka kaluar shumë momente të errëta në jetë dhe se në njërin prej tyre ka tntuar t’i bëjë keq vetes. E ftuar në ‘S’e luan topi’, Andrea rrëfeu se ka qenë vajza e saj, Sara, ajo që ia ka shpëtuar jetën. Andrea tha se e gjithë kjo rëndesë emocionale dhe psikologjike i ka ardhur si pasojë e “botës së egër” siç e quan ajo dhe vështirësive që ka hasur në karrierë.
“Ndoshta për herë të parë ka qenë një moment shumë i rëndë i vetes time kur unë mund të merrja vendime fatale për veten dhe kjo shfaqje më ka shpëtuar. Kjo shfaqje, ardhja e saj në dhomë dhe shkrimi. Mua më shpëtoi Sara (e bija), ardhja e saj në dhomë dhe të shkruarit. Isha shumë e mërzitur, e përjashtuar të duket vetja e dështuar e pa zonja që po të shfrytëzojnë një botë e egër, për mua ishte një vetmi e tejskajshme e braktisur në të gjitha krahët. Nuk ia fal atyre që ma kanë bërë, asgjë nuk ndodh por nuk i fus dot në zemër ata njerëz dhe në hapësirën time atë njerëz që e kanë rritur atë frustrim dhe që e kanë shfrytëzuar veten time në ato momente të dobëta. Qoftë edhe për të blerë për të rritur thashethemnajë, mua më ka shpëtuar ime bijë ndërsa procesimin e gjatë për me e ridasht jetën e ka bërë suksesi i kësaj shfaqjeje në të gjithë botën, shkela në skena të rëndësishme dhe u vlerësova. Kjo më dha forcën që ti vlen. Jeta ime është e lidhur fort me çdo gjë që e kam bërë sepse nuk më është ofruar e kam ndërtuar,”- tha Ema Andrea.
