Personi që shihni në foton e mëposhtme është elektriçisti, i cili humbi jetën në krye të detyrës mesditën e sotme në Bulqizë. Bëhet fjalë për 32-vjeçarin Ylli Boba.
Ngjarja ka ndodhur rreth orës 13:30 në fshatin Kovashicë të njësisë Administrative Shupenzë. Teksa ka qenë duke punuar, mësohet se elektricisti ka rënë nga shtylla elektrike dhe është dërguar me urgjencë në spital.
Fatkeqësisht, ai nuk u ka mbijetuar dot plagëve të marra dhe për pasojë ka humbur jetën.
Grupi hetimor po kryen hetimet në vendngjarje dhe po punohet për zbardhjen e rrethanave të kësaj ngjarjeje.
