“Ne jemi të detyruar të bëjmë seks me to për t’i lënë shtatzanë. Mund të na nxjerrësh nga këtu?,” – kështu na pyetën Ahmet vetëm 13 vjeç dhe Hamid, 14, duke pretenduar se gratë, ish-anëtare të Shtetit Islamik (ISIS) në qendrën e burgut në Al-Hol në verilindje të Sirisë, po i detyronin të bëniuin seks me to.
Atje janë 8000 fëmijë dhe gra që janë të lidhur me Shtetin Islamik dhe disa prej tyre nuk ndalen së ndjekuri verbërisht botëkuptimin e tyre pothuajse 4 vjet pasi kalifati humbi territoret e tij. Së bashku me Ahmedin dhe Hamitin, siç shkruan “Daily Bist”, edhe 8 të mitur të tjerë janë detyruar të kryejnë marrëdhënie seksuale. Njëri prej tyre tha se në vetëm pak ditë iu desh të flinte me 8 gra besnike ndaj parimeve të ISIS. Disa gra i fshehën edhe në tunele të nëndheshme derisa anëtarët e Forcave Demokratike Siriane (SDF) i zbuluan dhe i transferuan në qendrën e rehabilitimit në Orkesh.
Zyrtarët atje thanë se gratë u thanë djemve se donin të mbeteshin shtatzënë për të rritur popullsinë e grupit të Shtetit Islamik dhe për të mirëpritur kalifatin e ri që ata ishin të bindur se do të krijohej. Nuk dihet saktësisht se sa prej tyre kanë arritur të mbeten shtatzënë, por SDF, e cila mbikëqyr kampet e burgut, deklaron se numri është i lartë. Gratë që mbeten shtatzënë me sukses lindin të burgosur të tjerë. Seksi i detyruar është gjithashtu një problem në kampet e tjera të burgut për ish- anëtarët e ISIS dhe fëmijët e tyre. Madje, në Rozhë, një djalë përfundoi në spital pasi u sëmur pasi kishte konsumuar një substancë të ngjashme me “Viagrën” që ia kishin dhënë gratë. Në atë kamp, disa nëna, duke dashur të mbronin djemtë e tyre, iu lutën autoriteteve të kampit që t’i transferonin fëmijët e tyre në qendra rehabilitimi.
Ahmedi dhe Hamiti janë tani në Orkesh, si dhe disa djem të tjerë që kaluan të njëjtën përvojë traumatike. Ata janë vendosur në dhoma të pastra me krevate marinari, gjë që është shumë më mirë se burgjet apo kampet e mbipopulluara dhe jo të shëndetshme nga ata kanë ardhur. Ata ndjekin mësimet edukative dhe luajnë futboll për argëtim. Ata gjithashtu i nënshtrohen këshillimit që i ndihmon të përballen me traumat e tyre, por gjithashtu përpiqet t’i shkëpusë nga ndjekja e ideologjisë së ISIS.
“Qëllimi përfundimtar është riintegrimi i tyre në shoqëri.Ne nuk gërmojmë thellë në historinë e tyre që në fillim. Ne duam t’u japim kohë,”-tha psikologu i Ahmetit dhe Hamidit.
Vendosja e fëmijëve në qendra rehabilitimi dhe ndarja e tyre nga nënat e tyre është kritikuar nga Kombet e Bashkuara.
“Ne jemi jashtëzakonisht të shqetësuar se këta djem mund të dëmtohen seriozisht dhe kemi frikë se ata mund të zhduken dhe të përfundojnë si objekte shitjeje, shfrytëzimi, abuzimi, torture, trajtimi ose ndëshkimi çnjerëzor dhe poshtërues,”- thuhet në raport.
Mbështetësit e politikës së largimit thonë se shfrytëzimi seksual, abuzimi, radikalizimi dhe zhdukja është pikërisht ajo që ndodh me disa prej këtyre djemve në kampe kur nënat e tyre i kontrabandojnë me sukses në grupet terroriste. Nënat janë në kontakt me djemtë e tyre, të cilët u janë marrë me forcë, me telefon dhe bisedat e tyre përgjohen.
OKB-ja paralajmëron se nëse djemtë “ka të ngjarë të vendosen në burgje meshkujsh” por duhet të shkojnë në qendra rehabilitimi për t’i mbrojtur nga kushtet e rrezikshme në kamp. Por edhe për të marrë ndihmën e tyre nga psikologët.
“Shumica e këtyre djemve janë abuzuar që në moshën 7-vjeçare. Ata janë viktima të terrorizmit dhe meritojnë mbrojtjen e të drejtave ndërkombëtare të njeriut dhe ligjit humanitar,”- thuhet ndër të tjera në raportin eOKB-së.
