Prej disa kohësh në shtypin rozë është përfolur se Greta Koçi është në pritje të ëmbël dhe më në fund këtyre spekulimeve iu ka ardhur fundi.
Ka qënë vetë artistja që përmes një postimi të bërë në rrjetet sociale, ka zbuluar disa sekuenca videosh nga festa e zhvilluar për zbulimin e gjinisë.
“Në pritje të ëmbël, më e lumtur se kurrë”, shkruan këngëtarja bashkangjitur postimit të saj, ku shihet teksa përkëdhel barkun e rrumbullakosur.
Greta nuk ka zbuluar gjininë e fëmijës për fansat e saj por pavarësisht kësaj, ky lajm ka gëzuar pafund ndjekësit e këngëtares të cilët kanë shkruar komente tepër pozitive.
