Erisa Fero, 28 vjeç nga Pogradeci, zyrtarja e lartë e administratës që u arrestua sot pasi u gjet me 58 kilgram kanabis në makinë, nuk vepronte vetëm. Burime për Dosja bëjnë me dije se shefja kompjuterike e AKSHI-t, kishte në grup edhe dy efektivë të Policisë së Shtetit, pjesë e sektorit të qarkullimit rrugor.
Në pranga sot ra Erisa Fero dhe Likmend Basha, djali i një biznesmeni nga Fushë-Kruja bashkë me një 17-vjeçar me inciialet M.K. Mësohet se roli i tyre ishte të monitoronin rrugën gjatë transportimit të lëndës narkotike, në mënyrë që të shmangeshin kontrollet policore.
Ndërsa u shpallën në kërkim dy personat që do të kalonin drogën në shtetin maqedonas, F.S dhe G.S; vëllezër me njëri tjetrin. Sakaq, emrat e dy policëve ende nuk dihen, por burime i thanë Dosja se dy policët janë duke u hetuar me metoda speciale nga Agjencia e Mbikqyrjes Policore, AMP.
