Detaje të reja janë zbardhur nga dhunimi i mjekëve të QSUT që ndodhi paraditen e sotme.
Mësohet se Martin Sterkaj vuan nga probleme të shëndetit mendor dhe prej kohësh trajtohej në shërbimin e psikiatrisë në QSUT. Pacienti është larguar nga ambientet e spitalit duke përdorur dhunë ndaj mjekëve, duke i shtyrë e dhunuar ata.
Burimet bëjnë me dije se më tej ai ka hapur derën me forcë, dhe është larguar pa u pikasur nga roja i spitalit. Si të mos mjaftonte kjo, pacienti ka marrë me vete edhe drynin me të cilin ishte mbyllur dera.
