Pas shirave që përfshinë vendin fundjavën e kaluar, erdhën temperaturat e ulëta të cilat me sa duket do të vijojnë edhe javës tjetër.
Kështu sipas parashikimit të meteorologëve, java e ardhshme e cila përkon dhe me ardhjen e dimrit meteorologjik do të sjellë ndryshime nga dita në ditë.
Sipas Shërbimit Meteorologjik Ushtarak, deri në mesjavë do të mbizotërojnë vranësirat dhe kthjellimet. Më tej, reshjet e shiut do të bëhen të pranishme të herëpashershme me intensitet të ulët e mesatar kryesisht në jug të vendit. Reshjet e dëborës, do të rikthehen në male me intensitetet të ulët e lokalisht mesatar në alpe.
“Era, do të fryjë me drejtim juglindje-verilindje e lehtë e mesatare në bregdet. Valëzimi në dete i forcës 2-3 ballë. Ditën e mërkurë deri 4 ballë”, thuhet në njoftimin e SHMU.
