Presidenti ukrainas Volodymyr Zelenskyy ka dhënë një pasqyrë në dhomat e tij të luftës top-sekret brenda një bunkeri në Kiev ku ai ka jetuar vitin e kaluar për të shënuar njëvjetorin e pushtimit të Rusisë. Në një intervistë me gazetarin ukrainas Dmytro Komarov, Zelensky u tregoi ukrainasve rreth hapësirës së vogël ku ai merr vendime jetike, mban takimet kritime dhe telefonon krerët e shteteve nga e gjithë bota.
Duke kujtuar orët e para të luftës, Zelenskyy përshkroi nxitimin për të shkuar në dhomat e tij të luftës pasi u informua për pushtimin e Putinit në orët e para të 24 shkurtit 2022. Ai u largua menjëherë, pa e zgjuar as gruan e tij: Unë e dua familjen time, por për mua si president, të qenit këtu ishte prioritet. Në një dokumentar nga Komarov i titulluar ‘Viti’, pamjet nga baza e presidentit përfshinin një tur në dhomën e gjumit të Zelensky, veshjet e fshehura dhe hapësirën e zyrës.
Në tavolinën e tij shtrihen modele avionësh dhe një fotografi e tij dhe gruas së tij Olena, së bashku me dy fëmijët e tyre, si dhe një bust i udhëheqësit Winston Churchill. Zyra e tij është gjithashtu e zbukuruar me modele tankesh dhe një flamur ukrainas.
Duke i treguar Komarovit një dhomë të madhe të kompletuar me tavolina dhe karrige, Zelenskyy ndau kujtimet dhe mendimet e tij me popullin ukrainas.
“Është shumë e vështirë të mbash mend të gjitha detajet. Mora një telefonatë se lufta kishte filluar. Patjetër që mendova t’i zgjoja fëmijët, t’i grumbulloja të gjith për t’u treguar fëmijëve se çfarë po ndodh, se lufta kishte filluar. Ata janë të rritur, ata duhet të kuptojnë se çfarë po ndodh. Por u largova shumë shpejt. Unë e dua familjen time, por për mua si president, të qenit këtu ishte një prioritet.”
